Roblox Developer Ниво II • 10-14 Години • Група • Англиски

Возраст: 10-14 години
Траење: 8 месеци
Формат: Целосно онлајн (Zoom)
Часови: 1 час неделно
Времетраење на час: 90 минути
Групи: 3–5 ученици
Настава: англиски јазик
Предзнаење: претходно завршен курс: Roblox Developer I - Ниво 1; напредно познавање на англиски јазик

Плаќањето може да се изврши на два начина:

1. Месечна членарина – уплатата се врши на банкарска сметка, најдоцна до 5-ти во месецот за тековниот месец.
   
2. Целосна уплата на курсот – при еднократна уплата на целиот курс, добивате 10% попуст.

Курсот е идеален за деца кои:

• имаат 10–14 години;
• веќе го имаат завршено курсот Roblox Game Developer – Ниво I;
• сакаат да продолжат со развивање на своите Roblox вештини;
• сакаат да создаваат посложени и поинтерактивни игри;
• сакаат да го продлабочат и зацврстат своето знаење во програмирање и game development;
• уживаат во решавање проблеми и осмислување сопствени game mechanics;
• сакаат да научат како се развиваат поголеми проекти и да стекнат искуство со тимска работа.
• уживаат да учат и комуницираат на англиски јазик;
• сакаат да се дружат и соработуваат со врсници од различни националности и средини.
  

Предуслов: Завршено Roblox Game Developer – Ниво I и напредно познавање на англискиот јазик.

Курсот ги надградува знаењата стекнати во Ниво I и постепено ги води учениците кон создавање на покомплексни Roblox игри, преку понапредни проекти, нови предизвици и практична примена на наученото.

За следење на онлајн часовите, секој ученик треба да има свој компјутер или лаптоп со стабилна интернет-конекција.

• Оперативен систем: Windows 10/11 (64-bit) или macOS 10.13 или понова верзија (Linux не е поддржан од Roblox Studio)
• Меморија (RAM): најмалку 1 GB
• Интернет: стабилна врска, препорачано 4–8 Mbps или повеќе
  

На компјутерот ќе се користи Roblox Studio за креирање игри и Zoom за одржување на онлајн часовите.

За дополнителни информации и детални системски барања, погледнете ја официјалната страница на Roblox.

Наставата се одржува:

• целосно онлајн преку Zoom;
• еднаш неделно;
• 4 часа месечно;
• 90 минути по час.
  

Учениците работат во мали групи од:

3–5 ученици

Малите групи овозможуваат:

• индивидуално внимание;
• подобра комуникација;
• следење на напредокот на секое дете;
• доволно време за прашања и помош.

После секој час, на ист принцип како во Ниво 1, учениците добиваат домашна задача која најчесто претставува продолжување на проектот започнат на час.

Домашните задачи помагаат детето:

• да вежба самостојно;
• да го надградува проектот;
• подобро да ги разбере новите концепти.
  

Доколку ученикот има потреба од дополнителна помош, во цената на курсот е вклучен и бесплатен месечен индивидуален час за дополнителни објаснувања или поддршка.

Во текот на целиот курс, учениците продолжуваат да работат на свои Roblox игри, кои постепено ги надградуваат со нови идеи, механики и функционалности.

Како и во Ниво I, завршените игри можат да бидат објавени на Roblox платформата, за учениците да можат да ги споделат и да ги играат со своето семејство и пријателите.

Новина во Ниво II е што учениците ќе имаат можност да работат и на тимски проекти, развивајќи игри заедно со другите ученици во групата. Така, покрај индивидуалните проекти, ќе стекнат и практично искуство во соработка, споделување идеи и заедничко градење на една игра.

Во текот на курсот, учениците ќе изработуваат Roblox игри од различни жанрови и покомплексни механики:

• Simulator игри;
• Puzzle игри;
• Adventure игри;
• Multiplayer / Team игри;
• сопствени креативни проекти.

Секоја игра е практичен проект преку кој учениците ги зацврстуваат и продлабочуваат своите досегашни знаења, додека учат како да креираат сè покомплексни и поинтерактивни Roblox игри.

Покрај техничките знаења, учениците во Ниво II дополнително развиваат:

• логичко и аналитичко размислување;
• креативност и самостојност;
• способност за решавање посложени проблеми;
• истрајност и внимание на детали;
• комуникација и тимска работа;
• способност за споделување идеи и преземање одговорност во тим;
• презентирање и објаснување на сопствените идеи и проекти.
  

Ќе стекнат и практично искуство со процесот на развивање на игра, преку:

• осмислување и планирање на проект;
• поделба на задачи и работа во тим;
• развивање на проект во фази;
• тестирање и debugging;
• идентификување и решавање проблеми;
• подобрување и надградување на игрите;
• презентирање на финалниот проект.

Последниот месец од курсот е посветен на самостоен завршен проект, во кој ученикот го применува и зацврстува знаењето и вештините стекнати во текот на курсот.

Ученикот:

• избира и развива своја идеја за Roblox игра;
• го планира проектот и го развива со поддршка од инструкторот;
• применува и надградува научени програмерски и game development концепти;
• креира и поврзува различни game mechanics;
• ја тестира играта, пронаоѓа и отстранува грешки;
• ја подобрува играта врз основа на тестирањето и добиените повратни информации;
• го презентира својот финален проект пред групата.
  

На крајот, ученикот има своја целосно развиена и објавена Roblox игра како резултат на своето учење и работа во текот на курсот.

По успешно завршување на курсот, ученикот добива:

Сертификат за успешно завршен Roblox Game Developer Ниво II курс - Англиски јазик.