Услови за користење

Овие Услови ги содржат основните правила и информации за пријавувањето, плаќањето и учеството во онлајн курсевите за програмирање за деца што ги нуди Едукативниот центар Code Mode; бренд зад кој работи правното лице со полн назив: Здружение за едукација од областа на информатиката КОД МОД Скопје, регистрирано во Република Северна Македонија.

Со пријавувањето на ученик на некој од курсевите, родителот или законскиот старател потврдува дека ги прочитал и ги прифаќа овие Услови.

Курсевите на Eдукативниот центар Code Mode се наменети за деца на возраст од 7 до 14 години.

Пријавувањето го врши родител или законски старател преку формуларот на веб-страницата, по еmail или телефон.

Уписот се потврдува по договарање на курсот, терминот и начинот на плаќање. Родителот или старателот е одговорен за точноста на информациите дадени при пријавувањето.

Курсевите може да се платат преку месечна членарина или еднократна уплата на целокупниот износ за курсот.

Плаќањето се врши преку банкарска трансакција, согласно информациите добиени при уписот.

Кај месечната членарина, уплатата за тековниот месец се врши најдоцна до 5-ти во месецот, освен ако не е договорено поинаку.

Кај еднократната уплата, целокупниот износ се уплаќа согласно договорените услови пред започнување на курсот.

Неприсуството на ученик на час не ја прекинува месечната членарина за тековниот месец, освен ако не е претходно најавено и договорено со Code Mode.

Барањето за прекин на учеството се доставува по email или телефон.

Кај курсевите со месечна членарина, започнатата месечна уплата не се пренесува автоматски во следниот месец и не се рефундира поради отсуство или прекин на учеството во текот на месецот.

Кај курсевите со еднократна уплата, можноста за враќање на средства зависи од моментот на откажување и конкретните околности.

Доколку Code Mode не е во можност да го реализира договорениот курс, ќе биде понудено соодветно решение, согласно конкретната ситуација и применливото законодавство.

Сите курсеви се одржуваат онлајн, преку Zoom.

За следење на наставата потребен е лаптоп или компјутер кој ги исполнува техничките предуслови наведени во описот на конкретниот курс, за да може да се инсталираат и користат потребните програми и алатки.

Родителот или законскиот старател е одговорен за обезбедување на соодветен уред, стабилна интернет-конекција, микрофон и аудио опрема, како и за инсталација на потребните програми.

Курсевите се наменети за деца од 7 до 14 години, согласно возраста и нивото наведени во описот на конкретниот курс.

При пријавувањето, родителот или старателот треба да обезбеди точни информации за возраста и претходното знаење на ученикот, за да може да биде запишан на најсоодветното ниво.

Редовното присуство е важно бидејќи наставата напредува од недела во недела, а новите теми се надоврзуваат на претходно изучениот материјал. Затоа, се препорачува ученикот да не пропушта повеќе од два последователни часа.

Пропуштањето на два часа по ред може да значи пропуштање на значаен дел од тема или модул и да го отежне следењето на наставата со групата.

Доколку ученикот не може да присуствува, родителот или старателот треба што е можно побрзо да го извести инструкторот по email или телефон.

Во зависност од околностите и достапноста, Code Mode може да понуди снимка од пропуштениот час, дополнителен час или префрлање во друга соодветна група. Доколку е потребно, може да се договори и привремено стопирање на учеството.

Отсуството не подразбира автоматско презакажување, надоместување или враќање на средствата, но Code Mode ќе се обиде да понуди соодветно решение во зависност од ситуацијата.

Доколку има потреба од промена на термин или група, родителот или старателот може да го контактира Code Mode по еmail или телефон.

Промената зависи од достапноста на места и соодветноста на групата и се договара однапред.

Сите часови се снимаат за учениците да можат повторно да го разгледаат материјалот, полесно да го повторат наученото и да ги користат снимките како помош при изработка на домашните задачи.

Снимките се споделуваат само со учениците од групата во која е одржан часот.

Пристап до снимките имаат учениците од соодветната група и овластените едукатори на Code Mode.

Снимките не се наменети за јавно објавување и не смеат да се споделуваат со трети лица кои не се дел од групата.

Code Mode презема соодветни мерки за ограничување на пристапот и заштита на снимките.

Од учениците се очекува почитувачко и соодветно однесување кон инструкторите и другите учесници.

Не се дозволени навредување, вознемирување, намерно нарушување на наставата или споделување на несоодветна содржина.

Не е дозволено неовластено снимање или споделување на часови, снимки и наставни материјали со лица надвор од групата.

Во случај на сериозно или повторено несоодветно однесување, Code Mode може да преземе соодветни мерки во интерес на непречено одвивање на наставата.

Материјалите обезбедени од Code Mode, вклучувајќи презентации, задачи, видеа, наставни ресурси и други содржини, се наменети за лична и образовна употреба на учениците.

Тие не треба да се копираат, продаваат, објавуваат или споделуваат со лица надвор од курсот без претходна согласност од Code Mode.

Снимките од часовите се наставен материјал и нивното споделување со трети лица кои не се дел од групата е строго забрането.

Учениците ги задржуваат правата врз своите оригинални проекти и креации, освен во делот на материјали или ресурси кои припаѓаат на Code Mode или трети лица.

Родителот или законскиот старател може да побара прекинување на учеството на ученикот со известување по еmail или телефон.

Кај месечната членарина, прекинот не влијае на веќе започнат месец за кој е извршена уплата.

Доколку поради подолго отсуство ученикот не може да продолжи со својата група, Code Mode може да предложи префрлање во друга соодветна група или привремено стопирање на учеството.

Code Mode може да ги ажурира овие Услови доколку има промени во организацијата на курсевите, начинот на работа или применливото законодавство.

Ажурираната верзија ќе биде објавена на веб-страницата со наведување на датумот на последното ажурирање.

За прашања поврзани со курсевите, уписот, плаќањето или овие Услови, можете да нè контактирате преку контакт формата достапна на веб-страницата на Code Mode или преку наведените контакт информации: